Curso integrado no Plan de Formación Continua 2026 da FEGAMP.

Este curso ofrece unha visión práctica das principais estratexias de intervención socioeducativa no ámbito dos Servizos de Apoio e Acompañamento Familiar (SEAF), abordando a acción individual, grupal e comunitaria. A través dunha metodoloxía orientada á práctica profesional, facilitaranse ferramentas e técnicas para a planificación, desenvolvemento e avaliación de intervencións socioeducativas con persoas, familias e comunidade.

PERSOAS DESTINATARIAS

Educadores/as sociais da administración local de Galicia tanto dos servizos sociais comunitarios básicos como doutros departamentos específicos.

OBXECTIVOS

• Proporcionar estratexias de acción individual, grupal e comunitaria
• Trasladar técnicas de acción socioeducativa de aplicación na acción socioeducativa desde servizos de apoio e acompañamento familiar
• Planificación operativa da acción socioeducativa con familias desde un SEAF

CONTIDOS

• Estratexias de acción socioeducativa individual desde os SEAF: Aplicación práctica: informe socioeducativo, coordinación e supervisión de casos
• Estratexias técnicas na acción socioeducativa
• Estratexias de acción grupal desde os SEAF: aplicación práctica
• Estratexias de acción comunitaria desde os SEAF: aplicación práctica

Se traballas como educador/a social nun servizo de Educación e Apoio Familiar de Galicia dende o CEESG queremos convidarte a formar parte dun proxecto colaborativo e grupal de supervisión e coordinación no que compartir coñecemento e xerar un espazo seguro de acompañamento.